Dunyoning birinchi raketkasi "Rolan Garros" 1/8 finalida!

Sayyoramizning birinchi raqamli tennis malikasi Iga Svyontek bosh sovrin uchun kurashda davom etmoqda. Polshalik tennischi uchinchi bosqichda WTA reytingida 95-pog'onadan joy olgan chernogoriyalik Danka Kovinichni 6/3, 7/5 hisobida mag'lubiyatga uchratdi.

To'qson bir daqiqa davom etgan bahsda 20 yoshli Iga 1 ta eys, 5 ta breyk-poyntni amalga oshirdi. To'pni o'yinga kiritishda esa qo'shxatoga umuman yo'l qo'ymadi. 27 yoshli Danka esa 3 ta eys, 4 ta qo'shxato va 3 ta breykni rasmiylashtirdi. Bu tennischilarning o'zaro o'tkazgan ilk uchrashuvi edi.