24 apr 10:19
Yangiliklar

Engil atletika

Dusanovada oltin, Radzivilda bu safar bronza!

Qatar poytaxti Doha shahrida engil atletika bo'yicha Osiyo chempionati davom etmoqda.

O'z tarixida 23-marotaba tashkil etilayotgan qita chempionatida O'zbekiston terma jamoasi atletlari ham munosib tarzda ishtirok etishyapti. Navbatdagi medallar balandlikka sakrash sektorida qo'lga kiritildi.

Ushbu yo'nalishdagi ikki mashhur sportchimiz - Svetlana Radzivil va Nadiya Dusanova yana shoxsupaga ko'tarilishdi. Bu safar Dusanova 1 metru 90 santimetr balandlikni o'ziga bo'ysundirib, Osiyo chempioniga aylandi. Bir xil - 1 metru 88 santimetr natija qayd etgan qozog'istonlik Nadejda Dubovickaya va Svetlana Radzivil mos ravishda kumush va bronza medallarini qo'lga kiritishdi.