Dyuplantis bir haftaning o'zida ikkita jahon rekordini yangiladi

Etiborlisi, u o'zining shu hafta o'rnatgan rekordini yangilashga muvaffaq bo'ldi. 20 yoshli Arman SHotlandiyaning Glazgo shahrida o'tkazilayotgan turnir doirasida bir hafta oldin Polshadagi rekordini bir santimetrga yangiladi. 

Dyuplantis Glazgoda birinchi urinishning o'zida 6 metru 18 santimetr balandlikni zabt etdi. Bir hafta avval u Polshaning Torun shahrida 6 metru 17 santimetr balandlikni o'ziga bo'ysundirgan edi. 

Malumot uchun, Dyuplantisga qadar jahon rekordi franciyalik Reno Lavilleniga tegishli bo'lib, u 2014 yil Doneckda 6,16 metr natija qayd etgan va 1993 yildan beri saqlanib kelayotgan afsonaviy Sergey Bubkaga tegishli rekord (6,15 m)ni yangilagandi.