Dzyudo. Sportchilarimiz birinchi kungi musobaqalarda medal qo'lga kirita olmadilar

Bugun -60 hamda -66 kg vazn toifasida musobaqalar o'tkazildi.

-60 kg vazn toifasida yurtimiz sharafini himoya qilgan Muhiddin Tilovov yarim finalgacha qozog'istonlik va rossiyalik raqiblarini mag'lubiyatga uchratdi. Final ostonasida esa u mezbon sportchi Lukumi CHkvimianiga imkoniyatni boy berib qo'ydi. Bronza medali uchun bo'lib o'tgan jangda esa Muhiddin Braziliya vakili Filipp Pelimga yutqazdi.

Ushbu vazn toifasidagi boshqa bir sportchimiz Doniyor Sultonboev ilk jangidayoq ozarbayjonlik raqibiga imkoniyatni boy berib qo'ydi va musobaqa bilan xayrlashdi.

-66 kg vaznli sportchilarimiz Sardor Nurillaev va Bahrom Inoyatovlar ham medal qo'lga kiritish imkoniyatlaridan foydalana olmadilar.