Dzyudo. Tilovov kutilmaganda yutqazib qo'ydi, Diyorada bronza uchun imkoniyat bor

Xabar berib o'tganimizdek, bugun 6 nafar sportchimiz bahslarda o'z imkoniyatlarini sinab ko'rishdi.

-60 kg vazn toifasidagi sportchilarimiz Muhiddin Tilovov va Doniyor Sultonboevlar o'zlarining ilk janglarida isroillik sportchilarga imkoniyatni boy berib qo'ydilar.

-66 kg vazn toifasidagi Sardor Nurillaev ilk jangida ozarbayjonlik raqibini mag'lubiyatga uchratgandi. Biroq, keyingi bosqichda mog'ulistonlik Altansuh Dovdonga yutqazib qo'ydi va musobaqa bilan hayrlashdi. SHu vazndagi Bahrom Inoyatov esa ilk jangida mezbon Ertugrul Donmezga imkoniyatni boy berdi.

Qizlarimizdan -52 kg vazn toifasida O'zbekiston sharafini himoya qilayotgan Diyora Keldiyorova ilk jangida xitoylik raqibini mag'lub etdi. Ikkinchi davrada esa turkiyalik Damla CHaliskandan ustun keldi. Yarim finalda esa isroillik Gili Koenga yutqazib qo'ygan sportchi endilikda bronza medali uchun jang qiladi. Ushbu yo'la unga boshqa bir Isroil sportchisi Ariel Bezalel raqiblik qiladi.

-57 vazn toifasidagi Sanobar Sultonova ilk jangida ozarbayjonlik Nargiz Xadjaevani mag'lub etdi. Ikkinchi davrada esa Isroil terma jamoasi azosi Timna Nelsonga yutqazib qo'ydi. Lekin, Nelson finalga chiqqani uchun vakilimizda o'tish turnirida ishtirok etish imkoniyati paydo bo'ldi. Biroq, Sanobar o'tish bahsida qozog'istonlik raqibiga imkoniyatni boy berib qo'ydi.

Bugun kechki bahslarda Diyora Keldiyorovaga muxlislik qilamiz.