15 mar 19:03
Yangiliklar

Dzyudo

Ekaterinburg “Katta Dubulg'a”. -60 kg vaznda g'olib va sovrindorlar aniqlandi

Rossiyaning Ekaterinburg shahrida “Katta Dubulg'a” turkumiga kiruvchi, sovrin jamg'armasi 154 000 AQSH dollarini tashkil etuvchi nufuzli musobaqa davom etmoqda.

Hozirgina -60 kg vaznda g'olib va sovrindorlar nomi malum bo'ldi. Hal qiluvchi final uchrashuvida mo'g'ulistonlik Unubold Lagvayamc yaponiyalik Yuma Oshimani mag'lubiyatga uchratib, oltin medalni qo'lga kiritdi. Bu vazn toifasida rossiyalik Albert Oguzov va gollandiyalik Tornike Ckadoea bronza medaliga sazovor bo'lishdi.

Xabar berganimizdek, ushbu vaznda ikki hamyurtimiz ham ishtirok etishi kerak edi. Afsuski, asosiy umidimiz bo'lgan Diyorbek O'razboev tatamiga chiqmadi. Uning birinchi davradagi raqibi chexiyalik David Pulkrabek kurashsiz keyingi bosqichga chiqdi. Kemran Nurillaev esa ilk uchrashuvida turkiyalik Mixrach Akkusga yutqazib qo'ydi.