14 mar 12:12
Yangiliklar

Tennis

Elina Svitolina 1/2 final ishtirokchisiga aylandi

AQSHning Indian-Uells shahrida o'tkazilayotgan "Masters" seriyasiga kiruvchi turnir o'zining hal qiluvchi pallasiga kirdi.

Musobaqaning xotin-qiz tennischilar o'rtasidagi bahslarida chorak final uchrashuvlari o'tkazildi. Dunyoning oltinchi raqamli tennis malikasi Elina Svitolina qiyinchilik bilan yarim final chiptasini qo'lga kiritdi.

Ukrainalik tennischi chorak final uchrashuvida reytingning 61-pog'onasidan joy olgan chexiyalik Marketa Vondrusovaga qarshi kortga chiqdi. Ikki soatu 13 daqiqa davom etgan bahsda Elina raqibasini 4:6, 6:4, 6:4 hisobida mag'lub etdi. Endi Svitolina final yo'llanmasi uchun kanadalik Byanka Andreskuni sinovdan o'tkazadi.