04 sen 07:01
Yangiliklar

Tennis

Elina Svitolina US Open 1/2 finaliga chiqqan ilk ukrainalik!

Ukrainalik tennis malikasi Elina Svitolina “Katta Dubulg'a” turkumiga kiruvchi AQSH Ochiq chempionatining yarim finaliga yo'l oldi.

Dunyoning beshinchi raketkasi bo'lib turgan Elina US Open turnirining 1/4 finalida WTA reytingining 16-pog'onasidan joy egallab turgan britaniyalik 28 yoshli Yoxanna Kontaga qarshi kortga chiqdi.

24 yoshli Elina 1 soatu 39 daqiqa davom etgan uchrashuvda raqibasini 6/4, 6/4 hisobida mag'lub etdi. Svitolina ketma-ket beshinchi uchrashuvida ham Yoxannadan ustun keldi. Ukrainalik tennischining yarim finaldagi raqibasi amerikalik Serena Uilyams yoki xitoylik Czyan Van bahsidan so'ng malum bo'ladi.