28 apr 14:16
Yangiliklar

Tennis

Endi Marrey Madrid "Masters"dagi ishtirokini yakunladi

Dunyoning 52-raketkasi Endi Marrey Mutua Madrid Open turniridagi ishtirokini to'xtatdi.

Britaniyalik tennischi ATP reytingida 164-pog'onada borayotgan italiyalik Andrea Vavassoriga 2/6, 6/7(7) hisobida imkoniyatni boy berib qo'ydi. Bu tennischilarning o'zaro o'tkazgan ilk uchrashuvi edi.

To'qson uch daqiqa davom etgan bahsda Marrey ham, Vavassori ham 1 tadan eys zarbasini amalga oshirgan. Bu Endining ketma-ket to'rtinchi mag'lubiyati bo'ldi. So'nggi g'alabasini bir yarim oy oldin Indian-Uells turnirida qo'lga kiritgandi.

Andrea Vavassori Mutua Madrid Open turnirining ikkinchi davrasida rossiyalik Daniil Medvedevga qarshi kortga chiqadi.