Endi Marrey Madriddagi Masters startida Dominik Timni mag'lub etdi

Marrey turnirdagi ilk uchrashuvida US Open – 2020 chempioni, avstriyalik Dominik Timni 6/3, 6/4 hisobida mag'lub etdi va keyingi bosqichga yo'l oldi. 

Uchrashuv 1 soatu 43 daqiqa davom etdi. O'yin davomida Marrey 9 ta eys va2 ta breykni amalga oshirib, 2 bor qo'sh xatoga yo'l qo'ydi. Tim esa 3 ta eys, 2 ta qo'sh xato va 1 ta  breyk qayd etdi. Sportchilarning o'zaro uchrashuvlarida Marrey oldinga chiqib oldi - 3:2.

Keyingi bosqichda 34 yoshli Marrey kanadalik Denis SHapovalovga qarshi kortga chiqadi.

Eslatib o'tamiz, musobaqaning umumiy mukofot jamg'armasi 6 mln 575 ming 560 evroni tashkil etadi.Turnirning amaldagi chempioni germaniyalik Aleksandr Zverev hisoblanadi.