Endi Marrey o'z uyida o'tayotgan "Uimbldon" turnirining ikkinchi davrasida mag'lubiyatga uchradi

Jahonning 52-raketkasi, britaniyalik Endi Marrey o'z uyida bo'lib o'tayotgan "Uimbldon" turnirining ikkinchi davrasida ATR reytingida 24-o'rinni egallab turgan amerikalik Jon Iznerga 4/6, 6/7, 7/6, 4/6  hisobida mag'lub bo'ldi. 

Uchrashuv 3 soatu 23 daqiqa davom etdi. Marrey hamon tennischilarning o'zaro uchrashuvlarida peshqadamlikni davom ettirmoqda - 8:1. Izner 2018 yildan beri birinchi marta "Uimbldon"ning uchinchi bosqichiga chiqdi. SHuningdek, faoliyatida ilk bor Marreyni mag'lub etishga erishdi.

Endi  turnirning to'rtinchi bosqichiga chiqish uchun Izner italiyalik Yannik Sinnerga qarshi bahs olib boradi.