18 okt 13:47
Yangiliklar

Tennis

Endi Marreyning Antverpendagi yurishi davom etadi

Britaniyalik tennischi Endi Marrey Belgiyaning Antverpen shahrida o'tkazilayotgan turnirning chorak finaliga yo'l oldi.

ATP reytingida 243-pog'onadan joy olib turgan sobiq birinchi raketka ikkinchi davra uchrashuvida urugvaylik Pablo Kuevasga qarshi kortga chiqdi. Dunyoning 45-raketkasi bo'lib turgan Pablo ushbu bahsda 4/6, 3/6 hisobida yutqazdi.

Uchrashuv 1 soatu 23 daqiqa davom etgan. Endi 12 ta, 33 yoshli Kuevas esa 14 ta eys zarbasini amalga oshirgan. Ikki tennischining o'zaro uchrashuvlarida Marrey 3:0 hisobida oldinda bormoqda. Endi European Open turnirining chorak finalida ruminiyalik Mariush Kopilga qarshi kortga chiqadi.