Eng faol jismoniy tarbiya va sport targ'ibotchilari Zarafshon koncert zalida taqdirlanadi

O'zbekiston Respublikasi Vazirlar Mahkamasining 2019 yil 7 yanvardagi «Davlat va xo'jalik boshqaruvi organlari hamda mahalliy davlat hokimiyati organlari xodimlarining jismoniy tarbiya va sport bilan muntazam shug'ullanishini tashkil etish chora-tadbirlari to'g'risida»gi 6-son Qarorining 2020 yildagi ijrosini taminlash maqsadida Jismoniy tarbiya va sport vazirligi tomonidan tanlov o'tkazildi.

Ushbu tanlovda tashkilotlarning barcha bo'linmalari miqyosida tashkil etilgan sog'lomlashtirish, jismoniy tarbiya va sport mashg'ulotlarini muntazam ravishda o'tkazganligi uchun hamda aholining keng qatlami orasida ommaviy sportni rivojlantirish, ommaviy sport tadbirlarini tashkil etganligi uchun nominaciyalarida g'oliblar aniqlandi.

2019 yili korxona va tashkilotlar o'rtasida o'tkazilgan «Tashkilotlarning barcha bo'linmalari miqyosida tashkil etilgan sog'lomlashtirish, jismoniy tarbiya va sport mashg'ulotlarini muntazam ravishda o'tkazganligi uchun» nominaciyasida g'oliblik Toshkent viloyatining “Maxam-Chirchiq” akcionerlik jamiyatiga nasib etgan bo'lsa, «Aholining keng qatlamlari o'rtasida ommaviy sportni rivojlantirish, ommaviy sport tadbirlarini tashkil etganligi uchun» nominaciyasi bo'yicha Toshkent shahar jismoniy tarbiya va sport boshqarmasi g'olib, deb topilgandi.

2020 yili o'tkazilgan tanlovda korxona-tashkilotlar o'rtasida «O'zbekiston temir yo'llari» akcionerlik jamiyati o'z xodimlari orasida sog'lomlashtirish, jismoniy tarbiya va sport mashg'ulotlarini muntazam ravishda tashkil etganligi uchun g'oliblikka munosib ko'rilgan bo'lsa, «Aholining keng qatlamlari o'rtasida ommaviy sportni rivojlantirish, ommaviy sport tadbirlarini tashkil etganligi uchun» nominaciyasida bu safar Toshkent shahar Mirobod tumani hokimligi eng ko'p ovoz bilan g'oliblikni qo'lga kiritdi.

Tanlov g'oliblari «Jismoniy tarbiya va sport alochisi» ko'krak nishoni hamda O'zbekiston Respublikasida o'rnatilgan bazaviy hisoblash miqdorining 50 baravari miqdorida pul mukofotlari bilan taqdirlanadi.

G'oliblarni taqdirlash marosimi 2020 yil 17 dekabr kuni soat 16:00da «Zarafshon» koncert zalida tashkil etiladi. Barcha turdagi ommaviy axborot vositalari xodimlarini tantanali taqdirlash marosimiga taklif etamiz.