Eng kuchli yosh sablyachilar aniqlandi

Yigitlar o'rtasidagi final bellashuvida Azizbek Karimboev va Nurkeldi Turganboev o'zaro raqobatlashdi. Ushbu to'qnashuvda Azizbek g'alaba qozonib, oltin medalni qo'lga kiritgan bo'lsa, Nurkeldi kumush medalga sazovor bo'ldi. SHamil Baymuratov va Alimbay Baltabaevlar bu yo'nalishda bronza medali bilan taqdirlandi.  

Qizlar o'rtasidagi bahslarda Gulistan Perdibaeva, Ayakoz Jumamuratova, Samira SHokirova hamda Nargiza Kongratbaeva kabi yosh sablyachilarimiz g'olib va sovrindorlar qatoridan joy oldi.  

Toshkentda o'tayotgan ushbu mamlakat kubogi bilan bir vaqtda Turkiyaning Istanbul shahrida 14-17 yoshli sportchilar o'rtasida qilichbozlikning sablya yo'nalishida xalqaro musobaqa o'tkazilmoqda.  

Quvonarlisi, musobaqada ishtirok etayotgan 14 yoshli hamyurtimiz Saidamir Rahmonov bronza medaliga ega chiqdi.