Engil atletika. O'zbekiston chempionati boshlandi

Musobaqaning birinchi kunida bir qator yo'nalishlar bo'yicha g'oliblar aniqlandi. O'zbekiston engil atletika federaciyasining Milliy olimpiya qo'mitasi matbuot xizmatiga malum qilishicha, sovrindorlar ro'yxati quyidagicha ko'rinish oldi.

60 metrga to'siqlar osha yugurish bo'yicha erkaklar o'rtasida Ergash Normurodov 8,39 soniya natija ko'rsatib birinchi bo'ldi. Ikkinchi o'rinni Anvar Safarov (8,55) qo'lga kiritgan bo'lsa, uchinchi o'rin Orzimurod Tugalov (8,64)ga nasib qildi.

Ayollar o'rtasidagi musobaqalarda esa Natalya Asanova (9,04) raqiblaridan tezroq harakat qilib, marraga birinchi bo'lib etib keldi. Ikkinchi va uchinchi o'rinlarni mos ravishda Aleksandra Yurkevsaya (9,05) va Valeriya Udalova (9,16) egalladi.

60 metrga yugurish bo'yicha o'tgan bahslarda sovrindorlar ro'yxati quyidagicha ko'rinish oldi: Jaloliddin Hamroqulov (6,98), Olim Laryov (7,09), Otabek Abdug'afforov (7,10). Ayollar o'rtasida esa Nigina SHaripova (7,73) mamlakat chempioniga aylandi. Undan keyingi o'rinlarni Sabina SHirieva (7,90) va Diana Agliulina (8,01) egalladi.

Ayollar o'rtasida uzunlikka sakrash bahslarida Roksana Xudoyarova 5,81 metr natija ko'rsatib, oltin medal sohibiga aylandi. Ikkinchi va uchinchi o'rinlarni Ekaterina Voronina (5,60 m) va Olga Cmeyrek (5,40m) band etdi.

400 metrga yugurish bo'yicha Komila Mirsolievaga (59,18) teng keladigan raqib topilmadi. Kumush va bronza medallari Elmira Gazizova (1:00,46) hamda Sabina Umarova (1:00,77)lar egalladi.

1500 metrga yugurish bahslarida Mirsaid Buxorov 4:10,87 natija bilan bilan oltin medal sohibiga aylandi. Ayollar o'rtasida Sabina Talachyova (4:44,79) barcha raqiblarini ortda qoldira oldi.