Engil atletika. O'zbekiston kubogi bo'lib o'tdi

O'zbekiston Respublikasi Jismoniy tarbiya va sport davlat qo'mitasi hamda mamlakatimiz engil atletika federaciyasi tomonidan tashkil etilgan musobaqada to'rt yuzga yaqin sportchi g'oliblik uchun kurash olib bordi.

Doston Saydaliev, Anvar Sarimsoqov, Hasan Akbaraliev, Andrey Petrov, Gulhayo Rahimova, Sabina Tolacheva, Sitora Hamidova turli masofalarga yugurish bo'yicha g'oliblikni qo'lga kiritdi. To'siqlar osha yugurishda SHohrux Baratov va Anvar Safarov birinchi o'rinni egallagan bo'lsa, qizlar o'rtasida Valentina Kibalnikova oltin medal bilan taqdirlandi.

Nayza, yadro, disk va bosqon uloqtirish bahslarida Ivan Zaycev, Sergey Dementev, Ivan Markelov, Suhrob Xo'jaev, Musharraf Saydahmedova, Sofiya Burhonova, Svetlana Proshkina hamda Anastasiya Aslandu shohsupaning eng yuqori pog'onasiga ko'tarildi.

Uzunlikka, balandlikka va uch hatlab sakrashda Ivan Denisov, Dmitriy Melsitov, Ruslan Qurbonov, Oksana Molchanova, Viktoriya Dirdina, Nadiya Do'sanovaga teng keladigani topilmadi.

O'n kilometr masofaga sportcha yurish bo'yicha kuch sinashgan atletlar o'rtasida Asilbek Zokirov va Parizoda Nabieva marra chizig'ini birinchi bo'lib bosib o'tdi. O'nkurash bellashuvlarida Sanjar Niyozov, ettikurash bahslarida esa Aleksandra Yurkevskaya g'alaba qozondi.

Javohir Toshxo'jaev, Muhammad Amin (surat), O'zA