Engil atletikachilarimizning Turkiyadagi starti omadli o'tdi

11 davlat vakillari qatnashgan musobaqada hamyurtlarimiz muvaffaqiyatli ishtirok etishdi.

Musobaqaning birinchi kunidayoq atletlarimiz o'z chiqishlari bilan ko'pchilikning diqqat-markazida turishdi. Erkaklar o'rtasida uzunlikka sakrash bahsida dastlabki uch o'rin yurtdoshlarimizga nasib etdi.

Javohir Noriev – 7.43
Ivan Denisov – 7.11
Andrey Reznichenko – 7.09

Balandlikka sakrash sektorida esa Dmitriy Melsitov 2.06 metr natija bilan g'alaba qozondi.

Ikkinchi kun dasturida uch hatlab sakrash bahsida Ivan Denisov (15.19), ayollar o'rtasida uzunlikka sakrash bellashuvida esa Darya Reznichenko (6.06) eng yaxshi natijani qayd etishdi. Yosh nayza uloqtiruvchimiz Zarina Nosirjonova 61.89 metr bilan kuchli uchlikdan joy olgan.

Yana bir qiziqarli bellashuv balandlikka sakrash yo'nalishida kuzatildi. Unda terma jamoamizning 3 etakchilari Safina Sadullaeva (1.92), Svetlana Radzivil (1.90) hamda Nadiya Dusanova (1.84) mos ravishda sovrinli o'rinlarni egalladilar. Qayd etish joiz, Sadullaeva Tokio-2020 normativini tashkil etuvchi 1.96 metr balandlikni zabt etishga urinib ko'rdi. Biroq mazkur harakatlar omadsiz yakunlandi.