Erkin Vohidov xotirasiga bag'ishlab o'tkazilgan turnir g'oliblari malum bo'ldi

Unda 100 dan ortiq professional hamda havaskorlar qatnashishdi.

O'zbekiston Qahramoni, Xalq shoiri Erkin Vohidov xotirasiga bag'ishlangan shaxmat bo'yicha  turnir Rapid yo'nalishida 7 turdan, “A” va “B” guruhlarda, shveycarcha tizimda, FIDE qoidalari bo'yicha o'tkazildi. Musobaqada o'yin vaqtini nazorat qilib borish uchun elektron soatlardan foydalanildi. 

Xotira turnirda qatnashish uchun professional shaxmatchilarning FIDE xalqaro reytingida 2000 balldan kam bo'lmasligi talab etildi, havaskorlar o'rtasida qatnashish uchun esa O'zbekiston Yozuvchilar uyushmasi, O'zbekiston Milliy Teleradiokompaniyasi tomonidan taqdim etilgan ro'yhat asosida qatnashish imkoniyatiga ega bo'ldilar.

O'zbekiston Qahramoni, Xalq shoiri Erkin Vohidov xotirasiga bag'ishlangan shaxmat turniri shveycarcha tizimda o'tkazilib, 23 dekabr kuni 4 tur, 24 dekabrda esa qolgan 3 tur o'tkazildi.

CHempionatni o'tkazishga O'zbekiston SHaxmat Federaciyasidan tashrif buyurgan tajribali, professional hakamlar bevosita rahbarlik qilishdi.

Xotira turniri so'ngida O'zbekiston Qahramoni, Xalq shoiri Erkin Vohidovga O'zbekiston SHaxmat federaciyasining “Fahriy grossmeysteri” unvoni O'zbekiston SHaxmat federaciyasning oltin medali berildi. Unvonni Erkin Vohidovning o'g'li Xurshid Vohidov qabul qilib oldi.

Havaskorlar o'rtasidagi g'oliblar:
1. Murod Yusupov
2. Yahyo Tog'a
3. Eldor G'afurov

Professionallar o'rtasidagi g'oliblar:
1. SHamsiddin Vohidov
2. Georgiy SHvanov
3.  Marat Jumaev

Ishtirokchilar diplom, medal, pul mukofoti bilan taqdirlanadilar.

Jismoniy tarbiya va sport vazirligi Matbuot xizmati