“ERP sport” yagona elektron boshqaruv tizimiga kiritilgan abiturientlar imtihonlarda ishtirok etadi

O'zbekiston Respublikasi Prezidentining 2022-yil 3 noyabrdagi PQ-414-sonli qaroriga muvofiq 2023/2024 o'quv yilidan boshlab O'zbekiston davlat jismoniy tarbiya va sport universiteti va uning filiallarida “Sport faoliyati (faoliyat turlari bo'yicha)” bakalavriat talim yo'nalishiga kamida ikkinchi sport razryadiga ega bo'lgan, “Sport turining alohida yo'nalishlari” magistratura mutaxassisligiga esa kamida “O'zbekiston sport ustaligiga nomzod” yoki “O'zbekiston grossmeysterligiga nomzod” sport razryadiga ega bo'lgan abiturientlar qabul qilinishi belgilangan edi.

Yoshlar siyosati va sport vazirligi tomonidan “ERP sport yagona elektron boshqaruv tizimi, shuningdek, uning quyi “Ijodiy imtihon” axborot tizimi ishlab chiqildi. SHunga ko'ra, O'zbekiston davlat jismoniy tarbiya va sport universiteti hamda uning filiallarida “Sport faoliyati (faoliyat turlari bo'yicha)” bakalavriat talim yo'nalishiga onlayn hujjat topshirishda faqatgina tegishli sport razryadlari “ERP sport” yagona elektron boshqaruv tizimiga kiritilgan abiturientlar imtihonlarda ishtirok etishlari mumkin.

Joriy yilning 20 iyun kuniga qadar sportchilardan razryadlari va unvoni to'g'risidagi malumotlarni "ERP sport" yagona elektron boshqaruv tizimiga o'z vaqtida, to'liq va haqqoniy kiritilishi talab etiladi.

Sport faoliyati yo'nalishi bo'yicha hujjat topshirayotgan abiturientlar my.sport.uz havolasi orqali sport sohasidagi interaktiv xizmatlar portaliga kirib mavjud sport unvonlari yoki razryadlari haqida malumot olish xizmati yo'lga qo'yildi.

Agarda razryadi bo'lsay-u biroq ushbu tizimdan chiqmasa o'z hududida joylashgan sport tashkilotiga murojaat qilishi kerak bo'ladi.