Erste Open. Medvedev muvaffaqiyatli start oldi

Dunyoning oltinchi raketkasi Daniil Medvedev ushbu musobaqadagi ishtirokini g'alaba bilan boshladi. Rossiyalik tennischi ilk davrada reytingning 127-pog'onasidan joy olgan Xitoy Taypeyi vakili Jeyson Jangni 6/3, 6/1 hisoblarida mag'lub etdi. 

Oltmish besh daqiqa davom etgan bahsda 24 yoshli Medvedev 4 ta, 31 yashar Osiyo vakili esa 2 ta eys zarbani amalga oshira oldi. Daniil bu g'alabasi evaziga o'zaro uchrashuvlardagi hisob muvozanatini tiklashga erishdi - 1:1.