22 may 09:37
Yangiliklar

Tennis

"Ertaga Parijga!" Karlos Alkaras "Rolan Garros"da o'ynaydi + FOTO

"Katta Dubulg'a" turnirlarining ikki karra g'olibi, dunyoning uchinchi raketkasi Karlos Alkaras ijtimoiy tarmoqdagi sahifasiga yangi surat joyladi va uni izohladi.

Ispaniyalik tennischi jamoasi bilan tushgan suratini instagram sahifasiga joylagan va bu bilan Franciya Ochiq chempionatida ishtirok etishini tasdiqlagan.

"Ertaga Parijga!" — deya surat ostida izoh, Franciya bayrog'i va olovcha qoldirgan Alkaras.

Eslatib o'tamiz, Karlos Alkaras jarohati sabab Rim "Masters" turnirida ishtirok eta olmagandi. O'tgan yili ispaniyalik tennischi "Rolan Garros" turnirida 1/2 finalga qadar etib borgandi.