Esports World Cup Chess. Sindarov 1,5 mln dollarlik musobaqaning saralashini muvaffaqiyatli boshladi

Esports World Cup Chess turnirining asosiy ishtirokchilari, yani turnirda to'g'ridan-to'g'ri qatnashuvchi shaxmatchilar nomi allaqachon malum bo'lib ulgurgan. Yana to'rt nafar qatnashchi ikki bosqichdan iborat saralash o'yinlari orqali asosiy bosqichga chiqish uchun kurash olib borishyapti.    

EWC Chess – Last Chance Qualifier formati 4 ta alohida guruhda 9 turdan iborat shveycarcha tizimda o'tkazildi. Guruhlarda kuchli to'rtlikdan o'rin olgan shaxmatchilar pley‑offga yo'l olishdi. Ushbu saralash bosqichida hamyurtlarimizdan Javohir Sindarov va Nodirbek Yakubboev ham o'z omadii sinab ko'rmoqda. 

Afsuski, Yakubboev 5 ochko bilan o'z guruhida 5-o'rinni egallab, hal qiluvchi pley-off bosqichiga yo'llanmani qo'lga kirita olmadi. Sindarov esa birinchi saralash bosqichini muvaffaqiyatli yakunladi. Kuchli grossmeysterlar jam bo'lgan S guruhida 5,5 ochko bilan qo'shimcha ko'rsatkichlarga ko'ra 3-o'rinni egalladi va pley-offga yo'l oldi. 

Malumot uchun, Esports World Cup Chess turnirida Nodirbek Abdusattorov to'g'ridan-to'g'ri asosiy bahslarda ishtirok etadi.