European Open. Marrey bosh sovrin uchun kurashni davom ettirmoqda

Dunyo reytingida 243-pog'onada borayotgan sobiq birinchi raketka Endi Marrey musobaqaning yarim finaliga yo'l oldi. Britaniyalik tennischi chorak final uchrashuvida reytingning 92-pog'onasini egallab turgan ruminiyalik Mariush Kopilga qarshi kortga chiqdi. 

Ikki soatu 35 daqiqa davom etgan bahsda Marrey raqibini 6/3, 6/7(7), 6/4 hisobida mag'lub etdi. Endi 9 ta, Mariush esa 20 ta eys zarbasini amalga oshirgan. Ikki tennischining o'zaro uchrashuvlaridagi hisob 3:0 ko'rinishiga keldi.