Eurosport: "Lokomotiv" Jaloliddinov transferi vaqtida 550 ming evroni o'rtada turganlarga bergan

O'zbekistonning "Bunyodkor" klubidan 18 yoshli Jasur Jaloliddinov "Lokomotiv"ga ko'chib o'tdi. Mish-mishlarga ko'ra uning uchun jami 900 ming evro to'langan.

Futbolchi "Lokomotiv" safida umuman maydonga tushmadi va Rossiya premer-ligasining boshqa klubi "Tambov"ga ijaraga berildi.

Mazkur transfer o'zbek klubida janjallar bilan amalga oshgan. Eurosport.ru manbasiga ko'ra, Jasur uchun to'langan 900 ming evro ofshor kompaniyasi hisobiga o'tkazilgan. 350 ming evro "Bunyodkor"ga to'langan bo'lsa, qolgan 550 ming evroni Moskva klubi transfer amalga oshishida o'rtada turgan insonlarga bergan.

Malumot uchun, mazkur transferni "Moskva" klubi sobiq prezidenti, ayni paytda agent bo'lib ishlayotgan Yuriy Belous boshqargan.

Bu transferdan keyin "Bunyodkor" bosh direktori Ulug'bek Mirzaev ishdan bo'shatilgan. O'zbekistonda esa "Jaloliddinov ishi" bo'yicha O'FA darajasida tekshiruv boshlangan. Mirzaev ikkita uchrashuvda qatnashgan va O'FAga o'z poziciyasini tushuntirgan. Balki bu tushuntirish barchani qonqtirgandir. Biroq bu uchrashuvlardan keyin birorta rasmiy xabar berilmadi. Yaqinda klubda kattagina moliyaviy qiyinchiliklar borligi malum bo'ldi: futbolchilar to'rt oydan buyon maosh olishmayapti. Yangi rahbariyat esa aloqaga chiqmayapti, - deb yozadi eurosport.ru nashri.