Farg'ona "CHellenjer". Do'stov Sanjar Fayzievga yutqazdi

Qura natijalariga ko'ra ikki o'zbek tennischisi Farruh Do'stov va Sanjar Fayzievlar ilk davrada to'qnash kelishdi.

Birinchi setda Farruhning qo'li 6:4 hisobida baland keldi. Ikkinchi setda esa u jarohati sabab o'yinni davom ettira olmasligini malum qildi. SHu tariqa, 53 daqiqa davom etgan o'yinda Do'stovning jarohati evaziga Sanjar Fayziev ikkinchi bosqich yo'llanmasini qo'lga kiritdi.

U keyingi o'yinini turnirning uchinchi raqamli tennischisi, serbiyalik Nikola Miloshevichga qarshi kortga chiqadi. Miloshevich ayni paytda dunyo reytingida 211-o'rinni egallab turibdi.