Farg'ona “Fyuchers”. Uch tennischimizda kutilgan mag'lubiyat

Sovrin jamg'armasi 25 000 AQSH dollarini tashkil qiluvchi musobaqaning asosiy to'rida 11 nafar o'zbekistonlik tennischining ishtirok etishi haqida xabar bergan edik. Ulardan uch nafari ilk kungi bahslarda mag'lubiyatga uchrab, turnir bilan xayrlashdi.  

Jumladan, Gulchehra Muhammadsiddiqova rossiyalik mashhur tennischi, “Katta Dubulg'a” turkumiga kiruvchi turnirlar g'olibasi Vera Zvonarevaga 0:6, 0:6 hisobida yutqazdi.

Milena Amedieva turnirning oltinchi raketkasi, qozog'istonliki Kamila Kerimbaevaga 0:6, 1:6, Laylo Bahodirova esa qirg'izistonlik Kseniya Palkinaga 1:6, 4:6 hisobida imkoniyatni boy berib qo'ydi.

Mamlakatimizning birinchi raketkasi Sabina SHaripova Farg'ona turnirida ham birinchi raqam ostida harakat qiladi. Bugun u ilk davrada yana bir hamyurtimiz SHahnoza Xotamovaga qarshi kortga chiqadi. Uchinchi raketka sifatida qayd etilgan Nigina Abduraimova Yasmina Karimjonova bilan to'qnash keladi.

Tennischilarimizning 1-davradagi raqibalari:

Sabina SHaripova (O'zbekiston, 1) - SHahnoza Xotamova (O'zbekiston)

Nigina Abduraimova (O'zbekiston, 3) - Yasmina Karimjonova (O'zbekiston)

Kamola Umarova (O'zbekiston) - Aleksandra Grinchishina (Qozog'iston)

Arina Folc (O'zbekiston) - Natasha Palxa (Hindiston)

Sarvinoz Sayidxo'jaeva (O'zbekiston) - Varvara Kuznecova (Rossiya)

Polina Merenkova (O'zbekiston) - Kseniya Likina (Rossiya, 2)