Farg'onadagi sport muassasalarining faoliyati o'rganildi

Rasmiylar viloyatidagi sport talim muassasalariga borib, federaciyalarning hududiy vakillari bilan suhbatlashdi. Mutasaddilarga viloyat hokimi Xayrulla Bozorov hamrohlik qildi.

Dastlabki manzil Farg'ona Olimpiya va Paralimpiya sport turlariga tayyorlash markazi bo'ldi. Markaz mutasaddilari ishchi guruhga muassasaning imkoniyatlari, faoliyati va o'quvchilarga yaratilgan shart-sharoitlar haqida umumiy malumot berishdi. Tashrif davomida mashg'ulotlar jarayoni va markaz hududi ko'zdan kechirilib, qator masalalar bo'yicha fikr almashildi.

SHuningdek, Farg'ona tumani va shahridagi 1-son sport maktablari hamda Marg'ilon shahridagi sport maktabining faoliyati o'rganildi. Hududlardagi yoshlarning qaysi sport turiga ko'proq qiziqish bildirishayotganidan kelib chiqqan holda mashg'ulotlar jadvalini shakllantirish, maktablardagi murabbiylarning malakasini oshirish, moddiy-texnik bazasini yanada kuchaytirish bo'yicha tavsiyalar berildi.

Viloyatning 2025 yil va yangi Olimpiya cikli uchun tayyorgarlik rejalari mavzusiga bag'ishlangan yig'ilishi Farg'ona shahar 1-son sport maktabida o'tdi. Unda viloyat hokimligi masullari, soha mutaxassislari, federaciyalarning viloyat bo'limi vakillari bilan belgilangan ustuvor vazifalar, xususan, Lazizbek Mullojonov hamda Asadxo'ja Mo'ydinxo'jaev kabi Olimpiada chempionlarini tarbiyalash, kelgusi Olimpiya o'yinlariga yo'llanma olishi mumkin bo'lgan farg'onalik sportchilarning shug'ullanishlari uchun barcha sharoitlarni yaratish kabi yo'nalishlar belgilab olindi.