Farhod Turdiev: "Barkamol avlod" kabi turnirlar orqali tajriba to'pladik"

Farhod Turdiev, O'zbekiston Respublikasi Jismoniy tarbiya va sport davlat qo'mitasi raisi o'rinbosari, "Barkamol avlod – 2017”sport o'yinlari bosh hakami:

– Mamlakatimizda joriy etilgan uch bosqichli uzluksiz sport o'yinlari  iqtidorli sportchilarni tarbiyalash, terma jamoalarimiz zaxirasini to'ldirishda muhim ahamiyat kasb etmoqda. Bugun ushbu musobaqalar munosabati bilan mamlakatimizning barcha hududlarida xalqaro talablarga javob beradigan sport infratuzilmasi yaratildi. Biz bu kabi keng miqyosdagi musobaqalarni o'tkazish bo'yicha katta tajriba to'pladik. Ushbu tajriba evaziga O'zbekistonda sportning qator turlari bo'yicha, qita va jahon chempionatlari zo'r muvaffaqiyat bilan o'tkazilmoqda. Ahamiyatlisi, jahon chempionatini O'zbekistonda o'tkazishni istovchi nufuzli  sport federaciyalari soni ortib bormoqda. Bu mamlakatimizda sportni rivojlantirishga qaratilayotgan keng ko'lamli islohotlar samarasidir.