Farrux Qilichev: Sanjar Tursunovni chempionatga tayyorlashda raqib emas, ortiqcha vazn bilan kurashdik

"O'zbekiston chempionatida 10 nafar o'g'il bola va 1 nafar qiz bola shogirdim bilan ishtirok etdik. CHempionatdan avval pandemiya davridagi uzoq tanaffus tufayli musobaqani qiyin o'tadi deb o'ylagan edim. Lekin hammasi ko'ngildagidek bo'ldi. 5 nafar shogirdim finalga qadar etib keldi. Ulardan 2 tasi chempionlikni qo'lga kiritgan bo'lsa, 2 nafari kumush medalga sazovor bo'ldi. -52 kg vaznda qizimiz Feruza Kazakova ham kumush medalga loyiq deb topildi. 

CHempionat davomida eng yorqin jang ko'rsatgan shogirdim sifatida Ro'zmetovni etirof etaman. Dilshod har doim ringga ko'tarilganda qo'rqib turardim, chunki uni boksidan hamisha norozi bo'lganman. Birinchi marta undan ko'nglim to'ldi, janglaridan qoniqdim. Dilshodni o'zim uchun qayta kashf qildim. Sanjar Tursunovga keladigan bo'lsak, u finalda yaxshi jang ko'rsatdi. Jang 50x50 bo'ldi, lekin bu havaskor boks. Kimdir g'olib bo'lishi kerak. Madiyar ham o'zimizning shogird, kuchli bokschi. Uni keyingi faoliyatiga omad tilayman. Sanjarni chempionatga tayyorlash davomida raqib emas, ortiqcha vazn bilan kurashdik. Tursunovning o'tgan yilgi muvaffaqiyatsizligiga esa qo'lidagi jarohati sabab bo'lgan. SHu o'rinda, qizlarimizga to'xtalib o'tsam, oxirgi 2 yilda qizlar boksida ham anchagina o'sish kuzatildi. SHogirdim Feruza Kazakova kelajakda terma jamoadagi eng yaxshi ayol bokschi bo'lishiga ishonaman", - dedi Farruz Qilichev. 

Xurshida Abdikulova, Sarvinoz Raxmonqulova suhbatlashdi