20 okt 07:33
Yangiliklar

Tennis

Fayziev - Buxorodagi turnir vice-chempioni!

Buxoro shahridagi "Dilkusho" sport majmuasida o'tkazilayotgan tennis bo'yicha "Fyuchers" turkumiga kiruvchi turnir o'zining hal qiluvchi pallasiga kirdi.

Bugun musobaqaning yakkalik bahslarida final uchrashuvi bo'lib o'tadi. Bosh sovrin uchun turnirning uchinchi raketkasi, rossiyalik SHalva Janashiya vatandoshi, musobaqada ettinchi raqam ostida tasniflangan Maksim Ratnyukka qarshi kortga chiqadi.

Kecha esa juftlik turnirida g'oliblar aniqlandi. Qozog'istonlik Timur Xabibulin bilan birinchi raqamli juftlik hosil qilgan hamyurtimiz Sanjar Fayziev finalda rossiyalik tennischilar - Mixail Fufigin va Maksim Ratnyukka taybreklarda 6:7(5), 6:7(2) hisobida mag'lubiyatga uchradi hamda vice-chempionga aylandi.