21 may 07:49
Yangiliklar
Tennis
Fayziev Ierusalim turniridagi bahsni yakuniga etkaza olmadi
Isroilning Ierusalim shahrida tennis bo'yicha “CHellenjer” turkumiga kiruvchi turnir davom etmoqda.
Sovrin jamg'armasi 54 160 AQSH dollarini tashkil qiluvchi ushbu musobaqada ikki hamyurtimiz - Sanjar Fayziev va Sergey Fomin ham o'z imkoniyatini sinovdan o'tkazayotgandi.
Afsuski, har ikki tennischimiz ham yakkalikning ilk davra uchrashuvida mag'lubiyat alamini totib ko'rishdi va musobaqani muddatidan ancha ilgari yakunlashdi.
Fayziev asosiy to'rning ilk bosqichida finlyandiyalik Emil Ruusuvuoriga qarshi kortga chiqdi. Birinchi setda 5:3 hisobida oldinga chiqib olgan Sanjar yakunda mag'lubiyatga uchradi - 5:7. Ikkinchi setda esa hamyurtimiz jarohati sabab kortga chiqmadi.
Taqqoslash uchun, Sanjar Fayziev ATP reytingida 433, Emil Ruusuvuori 395-o'rinni egallab turibdi.
Havola :
Manba : olamsport.com
Fikrlar