22 okt 12:49
Yangiliklar

Tennis

Federer o'z yurtidagi turnirni g'alaba bilan boshladi

SHveycariyaning Bazel shahrida tennis bo'yicha nufuzli ATP turnirining asosiy to'r bahslari start oldi.

Sayyoramizning uchinchi raketkasi Rojer Federer ilk davrada reytingning 112-pog'onasidan joy olgan germaniyalik Peter Goyovchikka qarshi kortga chiqdi va raqibini 6/2, 6/1 hisobida mag'lub etdi.

Uchrashuv 52 daqiqa davom etgan. Bu vaqt oralig'ida 38 yoshli shveycarilik tennis yulduzi 12 ta eys zarbasini amalga oshirdi. Endi Federer Swiss Indoors turnirining ikkinchi bosqichida moldovalik Radu Albot hamda serbiyalik Dushan Layovich uchrashuvi g'olibiga qarshi kortga chiqadi.