"Ferrari" Xemiltonga 50 mln dollarlik shartnoma taklif qilishga tayyor, prezident u bilan "yaqin aloqada"

Britaniyalik pilotning "Mercedes" bilan shartnomasi 2023 yil oxirida yakuniga etadi.

Daily Mail malumotiga ko'ra, Skuderiya Lyuisga 40 million funtlik (hozirgi kurs bo'yicha taxminan 50 million dollar) shartnoma taklif qilishga tayyor. Muzokaralar yuqori darajada o'tmoqda, "Ferrari" prezidenti Jon Elkann Xemilton bilan "yaqin aloqada" bo'lib turibdi.

Bu masala bilan tanish bo'lgan ko'plab Buyuk Britaniya va Italiya manbalariga ko'ra, "Ferrari" Xemilton ishtirokidagi ikkita variantni jiddiy ko'rib chiqmoqda. Lyuisni keyingi mavsumdan boshlab CHarlz Leklerning yoniga o'tkazish afzalroq variant bo'ladi. Faqat bu holatda jamoani Karlos Sayns tark etishiga to'g'ri keladi.

Ikkinchi variant — Xemilton uchun Leklerdan qutulish. SHunda Lyuis Karlosning sherigi bo'ladi va CHarlz "Mersedes" jamoasiga boradi, u erda esa Jorj Rassell bilan birga musobaqalarda ishtirok etadi.

Britaniya nashrining takidlashicha, pul masalasi Xemilton uchun hal qiluvchi bo'lmaydi, chunki "Mercedes" va "Ferrari" unga teng miqdorda — taxminan 50 million dollar yoki undan ko'proq pul taklif qilishga tayyor.

Bu hafta oxirida bo'lib o'tadigan Monako Gran-prisida "Mersedes"ning yangilanishlari asosiy omil bo'lishi mumkin: agar nemis jamoasi "Red Bull" bilan o'rtadagi farqni yo'qotsa, Xemiltonning Breklida qolish ehtimoli ko'payadi.