Feruz Abdullaev O'zbekiston yilqichilik va ot sporti federaciyasi raisi etib saylandi

Unda O'zbekiston Milliy olimpiya qo'mitasi prezidenti Umid Ahmadjonov, O'zbekiston yilqichilik va ot sporti federaciyasining hududiy bo'limlari vakillari, murabbiylar, hakamlar hamda OAV xodimlari ishtirok etishdi.

Sir emaski, so'nggi yillarda mamlakatimizda ot sportiga bo'lgan etibor oshdi. Mazkur yo'nalish bo'yicha "O'zbekiston Respublikasida yilqichilik va ot sportini rivojlantirishga doir qo'shimcha chora-tadbirlar to'g'risida"gi Prezident qarori ham imzolangan. SHu sababdan ham chavandozlarimizdan yuqori natijalar kutishga haqlimiz. Bugun o'tkazilgan hisobot-saylov Konferenciyasi kun tartibidan o'rin olgan eng asosiy masala federaciyaga yangi rahbar saylashdan iborat edi.

SHu munosabat bilan ushbu lavozimga Abdullaev Feruz Talatovich nomzodi taklif etildi. Ishtirokchilar bir ovozdan ko'rsatilgan nomzodni qo'llab-quvvatladilar. SHu tariqa, Feruz Abdullaev O'zbekiston yilqichilik va ot sporti federaciyasining yangi raisiga aylandi. Malumot uchun, Feruz Abdullaev 1976 yilda Samarqandda tavallud topgan. Tadbirkor.

"Bildirilgan ishonch uchun minnatdorchilik bildiraman. Bu sport men uchun begona emas. Mamlakatimizda ot sporti so'nggi 5-6 yilda rivojlandi deya olaman. Nasib qilsa, birgalikda harakat qilamiz va mazkur sport turini yanada rivojlantiramiz. Boshqa viloyatlarda ham ot sporti yo'nalishlarini kuchaytiramiz”, - dedi Feruz Abdullaev.

Konferenciya davomida MOQ prezidenti Umid Ahmadjonov so'zga chiqar ekan, O'zbekiston Tokio Olimpiadasida ot sporti bo'yicha ham ishtirok etmoqchi ekanligi haqida gapirdi.

"Bungacha rahbariyat katta hajmdagi ishni olib borgan. Buni yaxshi bilamiz. Nasib qilsa, Tokio Olimpiadasida ot sporti bo'yicha ham ishtirok etamiz. Federaciyaning yangi rahbari ham MOQ ijroiya qo'mitasi azoligidan joy oladi. Sport rivoji yo'lida barchamiz bir oila sifatida ish olib boramiz", - dedi Umid Ahmadjonov.

SHu tariqa, O'zbekiston yilqichilik va ot sporti federaciyasining navbatdan tashqari hisobot-saylov Konferenciyasi o'z ishini yakunladi.