FIDE Jahon Kubogi. Abdusattorov 1/32 finalda, yana ikki shaxmatchimiz tay-brekda o'ynaydi

Dunyoning ayni paytdagi eng kuchli shaxmatchisi Magnus Karlsen ham muvaffaqiyatli dona surayotgan musobaqaning umumiy mukofot jamg'armasi 1 892 500 dollarni tashkil qiladi. G'olib yakunda 110 000 dollarga ega bo'ladi. 

Kecha Jahon Kubogining 1/64 final bosqichidan o'rin olgan ikkinchi partiya uchrashuvlari o'tkazildi. Unda yosh grossmeysterlarimiz Jahongir Vohidov, SHamsiddin Vohidov, Nodirbek Yoqubboev, Javohir Sindarov va Nodirbek Abdusattorov kuchli raqiblariga qarshi dona surishdi. 

Quvonarlisi, Nodirbek Abdusattorov hindistonlik grossmeyster Aravindx CHitambaramni 1,5:0,5 hisobida taslim etdi. Kecha u qora donalarda harakat qilganiga qaramay, kuchli raqibini engishga muvaffaq bo'ldi. Endi Abdusattorov franciyalik mashhur grossmeyster Anish Giri bilan to'qnash keladi. Giri rossiyalik Boris Savchenkodan 2:0 hisobida ustun keldi. 

Jahongir Vohidov va Javohir Sindarov esa ikkinchi partiyada ham raqiblari bilan muroasaga kelishdi. Bugun ular hal qiluvchi tay-brekda o'z omadlarini sinab ko'rishadi. 

19 yoshli grossmeysterimiz SHamsiddin Vohidov dunyo tarixidagi ikkinchi yosh grossmeyter, 2015 yilgi FIDE Jahon Kubogi g'olibi, tezkor shaxmat bo'yicha jahon chempioni (2012 yil), blic bo'yicha jahon chempioni (2016) 2013 va 2019 yillarda jamoaviy jahon chempionatida ikki bor chempionlik tojini kiygan rossiyalik Sergey Karyakinga har ikki partiyada ham yutqazib qo'ydi. Nodirbek Yoqubboev esa chexiyalik nomdor grossmeyster David Navaraga 0,5:1,5 hisobida imkoniyatni boy berdi.  

FIDE Jahon Kubogi. 1/64 final bosqich. Ikkinchi partiya

Jahongir Vohidov – Lener Perez Dominges (AQSH) – 1:1

Javohir Sindarov – Alireza Firuzja (Franciya) – 1:1

Nodirbek Yoqubboev – David Navara (CHexiya) – 0,5:1,5

Nodirbek Abdusattorov – Aravindx CHitambaram (Hindiston) – 1,5:0,5

SHamsiddin Vohidov – Sergey Karyakin (Rossiya) – 0:2