FIDE Jahon Kubogi. Cindarov 1/16 finalda! Jahongir va Nodirbek tay-brekda o'ynaydi

Musobaqaning umumiy mukofot jamg'armasi 1 892 500 dollarni tashkil qiladi. G'olib yakunda 110 000 dollarga ega bo'ladi. Kecha Jahon Kubogining 1/32 final bosqichidan o'rin olgan ikkinchi partiyalar o'tkazildi. Unda yosh grossmeysterlarimiz Jahongir Vohidov, Javohir Sindarov va Nodirbek Abdusattorov nomdor, reytingda o'zlaridan ancha yuqorida turgan grossmeysterlarga qarshi ikkinchi bor dona surishdi. 

Quvonarlisi, Javohir Sindarov perulik Xorxe Korini 1,5:0,5 hisobida mag'lubiyatga uchratib, 1/16 final bosqichiga yo'l oldi. Birinchi partiyada durang qayd etilgandi, ikkinchi uchrashuvda Javohir raqibidan ustun keldi. 

Jahongir Vohidov 1/16 final chiptasi uchun kechayotgan ilk bahsda rossiyalik Pavel Ponkratovni mag'lubiyatga uchratgandi. Ikkinchi partiyada esa Ponkratovning qo'li baland keldi - 1:1. Nodirbek Abdusattorov esa turnir favoritlaridan biri franciyalik taniqli grossmeyster Anish Giri bilan ikkinchi partiyada ham durang o'ynadi. Bugun shaxmatchilar o'zaro hal qiluvchi tay-brekda to'qnash kelishadi. 

Javohir Sindarov esa 1/8 final chiptasi uchun kechadigan uchrashuvlarda polshalik xalqaro grossmeyster Piorun Kasperga qarshi dona suradi. 30 yoshli Kasper 1/32 finalda niderlandiyalik Yorden Van Foristni 1,5:0,5 hisobida engdi.   

FIDE Jahon Kubogi. 1/32 final. Ikkinchi partiya 

Jahongir Vohidov – Pavel Ponkratov (Rossiya) – 1:1

Xorxe Kori (Peru) – Javohir Sindarov – 0,5:1,5

Nodirbek Abdusattorov – Anish Giri (Franciya) – 1:1