FIDE Jahon Kubogi. Jahongir va Javohir nomdor grossmeysterlarni mag'lub etishdi + FOTO

Musobaqaning umumiy mukofot jamg'armasi 1 892 500 dollarni tashkil qiladi. G'olib yakunda 110 000 dollarga ega bo'ladi. Kecha Jahon Kubogining 1/64 final bosqichidan o'rin olgan hal qiluvchi tay-brek partiyalari o'tkazildi. Unda yosh grossmeysterlarimiz Jahongir Vohidov va Javohir Sindarov nomdor, reytingda o'zlaridan ancha yuqorida turgan turnir favoritlarini mag'lub etishning uddasidan chiqishdi.  

Javohir Sindarov chempionlik uchun asosiy davogarlardan biri franciyalik Alirizo Firuzjani tay-brekda 3,5:2,5 hisobida mag'lubiyatga uchratib, shov-shuv sababchisiga aylandi. Asli kelib chiqishi eronlik bo'lgan Alirizo 2759, Javohir esa 2558 reyting balliga ega bo'lib turibdi. 

Jahongir Vohidov esa AQSH vakili, o'z ishtirokini to'g'ridan-to'g'ri 1/64 finaldan boshlagan nomdor grossmeyster Lener Peres Domingesni 3:1 hisobida mag'lubiyatga uchratdi va 1/32 final ishtirokchisiga aylandi. Dominges 2758, Jahongir esa 2534 reyting balliga ega.       

SHu tariqa, Jahon Kubogining 1/32 final bosqichiga uch nafar yosh grossmeysterlarimiz yo'l olishdi. Jahongir Vohidov 1/16 final chiptasi uchun rossiyalik Pavel Ponkratovga, Javohir Sindarov perulik Xorxe Koriga, 1/64 finalda hindistonlik grossmeyster Aravindx CHitambaramni 1,5:0,5 hisobida taslim etgan Nodirbek Abdusattorov esa franciyalik taniqli grossmeyster Anish Giriga qarshi dona suradi. 

FIDE Jahon Kubogi. 1/32 final 

Jahongir Vohidov – Pavel Ponkratov (Rossiya) 

Javohir Sindarov – Xorxe Kori (Peru) 

Nodirbek Abdusattorov – Anish Giri (Franciya)