FIDE Jahon Kubogi. Nodirbek va Javohir 1/16 finalning ilk partiyasida dona surishdi + FOTO

Musobaqaning umumiy mukofot jamg'armasi 1 892 500 dollarni tashkil qiladi. G'olib yakunda 110 000 dollarga ega bo'ladi. Kecha Jahon Kubogining 1/16 final bosqichidan o'rin olgan birinchi partiyalar o'tkazildi. Unda yosh grossmeysterlarimiz Javohir Sindarov va Nodirbek Abdusattorov nomdor grossmeysterlarga qarshi dona surishdi. 

Afsuski, birinchi partiya yosh grossmeysterlarimiz uchun omadsiz yakunlandi. Ularning har ikkalalari ham raqiblariga imkoniyatni boy berishdi. Sindarov polshalik xalqaro grossmeyster Piorun Kasperga, 17 yoshli Abdusattorov esa ozarbayjonlik 29 yashar grossmeyster Vasif Durarbayliga yutqazib qo'ydi. 

Bugun shaxmatchilar o'rtasida ikkinchi partiya o'ynaladi. Nodirbek Abdusattorov (2634) 1/32 finalda turnir favoritlaridan biri, musobaqada oltinchi raqam ostida tasniflangan franciyalik taniqli grossmeyster Anish Giri (2776) ustidan tay-brekda 3:1 hisobida g'alaba qozonganini takidlash o'rinli bo'lsa kerak.