FIDE prezidenti Kirsan Ilyumjinov Milliy olimpiya qo'mitasida mehmon bo'ldi

Bugun u O'zbekiston Milliy olimpiya qo'mitasida mehmon bo'ldi. Bu haqida qo'mita matbuot xizmati xabar qilmoqda. Uning boshchiligidagi delegaciyani MOQ Bosh kotibi Oybek Kasimov hamda O'zbekiston SHaxmat federaciyasi vice-prezidenti Xusan Turdialiev kutib oldi.

O'zbekistonga uyushtirilgan safari davomida martabali mehmonga Xalqaro shaxmat federaciyasi maslahatchisi Tcukaev Irisxon Rezvanovich hamrohlik qildi.
Mehmonlar dastlab MOQ binosida joylashgan muzeyga tashrif buyurib mustaqillik yillarida o'zbek sportchilari erishgan yutuqlar bilan tanishishdi. Kirsan Ilyumjinov Toshkentga bir necha marotaba tashrif buyurgan bo'lsada, O'zbekiston Milliy Olimpiya qo'mitasi yangi binosiga birinchi martta tashrif buyurganini qayd etib, yangi binoda yaratilgan sharoitlarga yuqori baho berdi.

SHundan so'ng MOQ muzokaralar zalida mehmonlar va mezbonlar o'rtasida uchrashuv bo'lib o'tdi. Bu paytda Ilyumjinov va delegaciyasining qarshisidan MOQ prezidenti Alisher Sultonov, Jismoniy tarbiya va sport qo'mitasi raisi Rustam Qurbonov, MOQ bosh kotibi Oybek Kasimov joy oldi.

Uchrashuv davomida Kirsan Ilyumjinov O'zbekistonlik sportchilar xalqaro maydonda bejizga yuqori natijalar ko'rsatmayotgani haqida aytib, buning zamirida katta mehnat va sportchilar uchun yaratilgan sharoit yotganiga urg'u berdi. Mamlakat shaxmatchilarining xalqaro maydondagi obro'si esa kun sayin o'sib borayotgani takidlandi. SHaxmat rivojlanishi O'zbekistonda yildan-yilga o'sib borayotganidan kelib chiqib, endi uni alohida fan sifatida o'rganish vaqti kelgani borasidagi masala ham ko'tarildi. SHuningdek, yuqori martabali mehmon tomonidan shaxmat sport turini maktab, o'rta va oliy talim muassasalarda o'quv dasturiga fan sifatida kiritish, Oliy o'quv yurtlarida SHaxmat kafedralarini ochish takliflari kiritildi. Bu borada xorijiy tajribadan foydalanish ham mumkin. Masalan, o'z vaqtida Janubiy Afrika Respublikasida Nelson Mandella, Moldovada mamlakat prezidenti Igor Dadon bilan hamkorlikda katta hajmdagi ish olib borilgan.

Uchrashuv yakunida Alisher Sultanov mehmonlarga esdalik sovg'alarini topshirdi. O'z navbatida Kirsan Ilyumjinov samimiy qabul uchun minnatdorchilik izhor etdi. Keyinroq FIDE prezidenti oldindan belgilangan dasturga ko'ra O'zbekiston Xalq talimi vazirligida uchrashuv o'tkazdi va poytaxtdagi bolalar shaxmat festivalining ochilishida ishtirok etdi.