Floyd Meyvezer afsonaviy gangsterning nevarasi bilan jang qiladi

Amerikalik bokschi bu pullarni ko'rgazmali janglar orqali ishlab topyapti. Bu safar u "ko'cha"dan raqib tanladi. 46 yoshli Floyd 11 iyun kuni AQSHning Florida shtati Sanrayz shahrida joylashgan FLA Live arenada 30 yashar Jon Gottiga qarshi ringga ko'tariladi. Jon 2002 yilda qamoqxonada vafot etgan taniqli mafioz Jon Gottining nevarasi hisoblanadi. 

Floyd Meyvezer katta boksdan ketganidan keyin bor etiborini ko'rgazmali janglarga qaratmoqda. 2017 yilning avgustida Konor Makgregorni mag'lubiyatga uchratdi. O'tgan davr mobaynida Meyvezer blogerlar Logan Pol, Dedji, kikboksing bo'yicha chempion Tenshin Nasukava, RIZIN jangchisi Mikura Asakura bilan jang o'tkazdi. SHu yilning fevralida sobiq Bellator jangchisi, realiti-shou yulduzi Aaron CHalmersga qarshi 8 rundlik jangda ringga ko'tarildi.

Uning galdagi raqibi Jon Gotti MMAda 5-1 rekordiga ega. Janglarining ikkitasida professional bokschilarni mag'lubiyatga uchratgan.