30 may 12:30
Yangiliklar
Tennis
Folc reytingda o'zidan 236 pog'ona yuqoridagi tennischini engdi
Xabar berganimizdek, Andijon shahrida xotin-qiz tennischilar o'rtasidagi “Fyuchers” toifasiga kiruvchi turnirning asosiy to'r bahslari davom etmoqda.
Sovrin jamg'armasi 25 000 AQSH dollarini tashkil qiluvchi ushbu musobaqada bir necha nafar tennischilarimiz ham o'z imkoniyatlarini sinovdan o'tkazishyapti.
Hozirgina yakuniga etgan birinchi davra uchrashuvida hamyurtimiz Arina Folc ajoyib g'alabaga erishdi. Dunyo reytingida 703-o'rindan joy olgan vakilamiz o'zidan 236 pog'ona yuqorida turgan rossiyalik Alena Tarasovni mag'lub etishning uddasidan chiqdi.
Bir soatu 52 daqiqa davom etgan uchrashuvda asosiy to'rga imtiyozli ravishda qo'yilgan Folc 6:4, 1:6, 6:3 hisobida g'alaba qozondi. Uning ikkinchi davradagi raqibasi qozog'istonlik Kamila Kerimbaeva bo'ladi.
Havola :
Manba : olamsport.com
Fikrlar