Fomin Hindistondagi turnirda ishtirok etyapti

Mukofot jamg'armasi 25 000 dollarni tashkil qiluvchi ushbu musobaqada hamyurtimiz Sergey Fomin ham o'z imkoniyatini sinab ko'ryapti. Afsuski, mamlakatimizning ikkinchi raketkasi yakkalik bahslaridagi ishtirokini ilk davradayoq yakunlab bo'ldi. 

Fomin 1/16 finalda turnirning uchinchi raketkasi britaniyalik Oliver Kroufordga 6/1, 2/6, 3/6 hisobida imkoniyatni boy berib qo'ydi. Sergey ATP reytingida 575, Oliver esa 403-o'rinni egallab turibdi. Fomin endi bor etiborini juftlikdagi ishtirokiga qaratadi.