Fomin Xitoydagi M25 turnirining chorak finaliga chiqdi

Musobaqada mamlakatimizning birinchi raqamli raketka ustasi Sergey Fomin ham ishtirok etmoqda. Turnirda uchinchi raqam ostida saralangan Fomin chorak final bosqichiga yo'l oldi.

U bugun nimchorak final bosqichida yangi zelandiyalik Metyu SHirerga qarshi bahs olib borib, 6/2, 6/2 hisobida g'alaba qozondi. O'yin oldidan SHirer ATP reytingida 2160-o'rinda borayotgandi.

25 yoshli Sergey yarim final yo'lida dunyo reytingida 727-o'rinni egallab turgan yaponiyalik Yusuke Takaxashiga qarshi kortga chiqadi. O'yin ertaga Toshkent vaqti bilan 7:00 da boshlanishi belgilangan.