Fomin yana Ummonga qaytdi

Yana deyishimizga sabab Fomin avval ham Ummonda to'p tepgandi. Aniqrog'i, o'tgan yilning aynan shu paytida Maksimilyan “Saham” klubi bilan shartnoma imzolagan edi. Keyinchalik avgust oyida Malayziyaga ko'chib o'tgan va birinchi liga vakili “Perlis” jamoasi safida o'ynagandi. 

Kuni kecha himoyachi Ummonning “Sohar” klubi bilan kelishuvga erishdi. Bu jamoa Ummon Superligasining 13-turidan so'ng 15 ochko bilan 14 klub orasida 9-o'rinni egallab turibdi. 

Etiborlisi, 8-pog'onadan joy olgan Fominning sobiq jamoasi “Saham” hisobida ham 15 ochko bor. “Al Suvayq ” klubi 34 ochko bilan turnir jadvalida peshqadamlik qilyapti.