Franciya olimpiya harakatiga yangi rahbar saylandi

Franciya milliy olimpiya va sport qo'mitasi rahbarligi uchun o'tkazilgan saylovda Brijit Enrikes 57,78 foiz ovoz bilan g'olib chiqib, mazkur tashkilotning 49 yillik tarixida birinchi ayol prezident sifatida tarixga kiradigan bo'ldi, deya xabar tarqatmoqda xalqaro olimpiya qo'mitasining sayti.

2024 yili Parijda XXXIII yozgi olimpiya va XVII paralimpiya o'yinlari o'tkaziladi. Mazkur nufuzli musobaqa oldidan Franciyada olimpiya va sport tashkiloti rahbarligiga yangi nomzodning saylanishi mamlakatda olimpiya o'yinlariga tayyorgarlikning samarali kechishini va Franciya sportining taraqqiyotida muhim qadam bo'ldi, deb hisoblashmoqda ekspertlar.

Ushbu lavozim uchun bo'lib o'tgan saylovda Enrikes xonim qatori dzyudo bo'yicha 1980 yilgi olimpiya o'yinlari g'olibi Terri Rey, Emmanuel Bonne-Ulaldj va suv sport turlari bo'yicha afsonaviy sportchi Patris Marten ham ishtirok etdi. Biroq har uchala nomzod ham saylovda ishtirok etgan 108 ta sport federaciyalari delegatlarining etarli ovozini olisholmadi. 

SHu paytgacha Franciya futbol federaciyasining vice-prezidenti bo'lib ishlab kelgan Brijit Enrikesning g'alabasi xususida “Parij-2024” olimpiya o'yinlarini o'tkazish qo'mitasi rahbari Toni Estange va Xalqaro olimpiya qo'mitasi ijroiya qo'mitasi azolari Jan-Kristof Rollan va Gi Dryu nomzod “o'z vaqtida saylanganligini, Franciyada sport va olimpizm harakatlari yangi bosqichga chiqishida bu muhim qadam bo'lagnligini” bildirishgan.

Brijit Franciya olimpiya harakatining beshinchi prezidenti hisoblanadi. Ungacha mamlakat olimpiya va sport qo'mitasiga Masselya, Anri Serandura, Nelsona Payyuva Kloda Kollara rahbarlik qilishgan.

To'lqin RO'ZIEV