Freestyle Chess Challenge. Abdusattorov 4-o'rinni olgan turnirda g'olib va sovrindorlar malum

Dunyoning kuchli sakkiz nafar grossmeysteri dona surgan Fisher shaxmati bo'yicha musobaqada hamyurtimiz Nodirbek Abdusattorov (2744) ham ishtirok etdi va yakunda 4-o'rinni egalladi. Kecha hal qiluvchi pley-off bosqichining ikkkinchi partiyalari o'ynaldi. 

Saralash bosqichini g'olib sifatida yakunlagan Abdusattorov 3-o'rin sohibini aniqlab bergan bahsda amerikalik Levon Aronyanga 0,5:1,5 hisobida imkoniyatni boy berib qo'ydi. Grossmeysterlar birinchi partiyada murosaga kelishgandi, javob uchrashuvida tajribali Aronyanning qo'li baland keldi.

Musobaqa bosh sovrini rapid va blic shaxmatda amaldagi jahon chempioni Magnus Karlsen (Norvegiya, 2830)ga nasib etdi. U finalda amerikalik Fabiano Karuana (2804)ni 1,5:0,5 hisobida engdi. 

Pley-off natijalari. Final

Magnus Karlsen (Norvegiya, 2830) - Fabiano Karuana (AQSH, 2804) 1,5:0,5

3-o'rin uchun bahs

Nodirbek Abdusattorov - Levon Aronyan (AQSH, 2725) 0,5:1,5

5-6 o'rinlar uchun

Alireza Firuzdja (Franciya, 2760) - Dommaradju Gukesh (Hindiston, 2743) 1,5:0,5

7-8 o'rinlar uchun

Vinsent Kaymer (Germaniya, 2738) - Din Lijen (Xitoy, 2762) 2:0