Freestyle Chess Challenge. Abdusattorov Magnus Karlsenga qarshi 1/2 finalning ilk partiyasini o'tkazdi

Dunyoning kuchli sakkiz nafar grossmeysteri dona surayotgan Fisher shaxmati bo'yicha musobaqada hamyurtimiz Nodirbek Abdusattorov (2744) ham ishtirok etyapti. Kecha 1/2 final bosqichning ilk uchrashuvlari o'tkazildi. 

Saralash bosqichini g'olib sifatida yakunlagan Abdusattorov final chiptasi uchun rapid va blic shaxmatda amaldagi jahon chempioni Magnus Karlsen (Norvegiya, 2830)ga qarshi qora donalarda o'ynadi va afsuski imkoniyatni boy berdi. Bugun Nodirbek ikkinchi partiyada oq donalarda harakat qiladi.

Ikkinchi 1/2 final juftligida asli armanistonlik, hozirda AQSH sharafini himoya qilayotgan Levon Aronyan (AQSH, 2725) yana bir okean orti shaxmatchisi Fabiano Karuana (AQSH, 2804)dan ustun keldi. SHuningdek, kecha 5-8 o'rinlar uchun ham o'yinlar bo'lib o'tdi. 

1/2 final natijalari (13-14 fevral):

Magnus Karlsen (Norvegiya, 2830) - Nodirbek Abdusattorov (O'zbekiston, 2744) - 1:0 

Levon Aronyan (AQSH, 2725) - Fabiano Karuana (AQSH, 2804) - 1:0

5-8 o'rinlar uchun bahs

Din Lijen (Xitoy, 2762) - Alireza Firuzdja (Franciya, 2760) - 0:1

Dommaradju Gukesh (Hindiston, 2743) - Vinsent Kaymer (Germaniya, 2738) - 0:1

Final: 15-16 fevral