Freestyle Chess Grand Slam. 19 yoshli Sindarov dunyoning ikkinchi raqamli shaxmatchisiga qarshi 7 ta partiyadan iborat olovli o'yin o'tkazdi

Afsuski, o'ta murosasiz kechgan 1/2 finalning ikkinchi juftligida 19 yoshli Javohir Sindarov dunyo reytingida ikkinchi o'rinni egallab turgan amerikalik grossmeyster Fabiano Karuanaga hal qiluvchi armagedon partiyasida imkoniyatni boy berib qo'ydi. Tay-brekning blic ikkinchi partiyasida umumiy g'alabaga yaqin kelgan Javohir alamli mag'lubiyatga uchragandi. 

SHu tariqa, Javohir kuchli raqibiga munosib qarshilik ko'rsatib mag'lub bo'ldi va endi ertaga 3-o'rin uchun norvegiyalik afsona Magnus Karlsenga qarshi bahs olib boradi. Bu ikki shaxmatchining saralash bosqichidagi o'zaro uchrashuvida Javohir Magnusni mag'lub eta olgandi.

Fabiano Karuana esa endi Freestyle Chess Grand Slam bosh sovrini uchun germaniyalik Vinsent Keymerga qarshi bahs olib boradi. Keymer 1/2 finalda Magnus Karlsenni mag'lub etib, katta shov-shuv ko'targandi.