Freestyle Chess Grand Slam. Abdusattorov - Karlsen bahsi kutilganidan ertaroq yakunlandi

Dunyoning ko'zga ko'ringan grossmeysterlari qatnashayotgan musobaqada ikki shaxmatchimiz - Nodirbek Abdusattorov va Javohir Sindarov ham o'z mahoratini namoyish qilyapti. Ular kechagi saralash bahslari yakunlariga ko'ra chorak final yo'llanmasini qo'lga kiritishgandi. 

Afsuski, hozirgina yakuniga etgan 1/4 finalning ilk uchrashuvida Nodirbek Abdusattorov qora donalarda norvegiyalik shaxmat afsonasi Magnus Karlsenga imkoniyatni boy berib qo'ydi. Ertaga shaxmatchilar o'rtasidagi ikkinchi partiya o'ynaladi. Unda Nodirbek oq donalarda harakat qiladi. Durang natija ham Magnusni 1/2 finalga olib chiqadi. Abdusattorov faqat g'alaba evazigagina uchrashuvni tay-brekka o'tkazishi mumkin bo'ladi. 

Ayni daqiqalarda saralash bahslarini ko'tarinki ruhda o'tkazgan Javohir Sindarov amerikalik Hikaru Nakamuraga qarshi o'ynayapti. Hamyurtimiz oq donalarda harakat qilpyapti va biroz ustunlik AQSH shaxmatchisi tomonida bo'lib turibdi.