Freestyle Chess Grand Slam. Bugun final hamda boshqa o'rinlar uchun bahslar boshlanadi

Bugun sovrin jamg'armasi 750 000 AQSH dollarini tashkil qiluvchi musobaqada final uchrashuvlari start oladi. Turnir bosh sovrini uchun amerikalik Fabiano Karuana musobaqa kashfiyotiga aylangan germaniyalik Vinsent Keymerga qarshi bahs olib boradi. 

Keymer 1/2 finalda norvegiyalik afsona Magnus Karlsenni shov-shuvli tarzda 1,5:0,5 hisobida mag'lubiyatga uchratdi. Dunyo reytingida ikkinchi o'rinda borayotgan Karuana esa 7 ta partiya davom etgan murosasiz kurashda hamyurtimiz Javohir Sindarovdan 4:3 hisobida ustun keldi. 

Uchinchi o'rin uchun kechadigan qarama-qarshilikda Sindarov Magnus Karlsen bilan hisob-kitob qiladi. Saralash bosqichidagi o'zaro uchrashuvda Javohir nomdor raqibini mag'lubiyatga uchrata olgandi. 

CHorak finalda aynan Magnusga engilgan Nodirbek Abdusattorov kecha franciyalik Alireza Firuzdjani 1,5:0,5 hisobida mag'lub etdi. Bugun u 5-o'rin uchun kechadigan bahsda amerikalik Hikaru Nakamuraga qarshi o'ynaydi. Reytingning uchinchi pog'onasida borayotgan Hikaru kecha amaldagi jahon chempioni hindistonlik Gukesh Dommaradjudan 2,5:1,5 hisobida ustun keldi. 

Bugun Gukesh va Firuzdja 7-8 o'rinlar uchun o'zaro bahs olib borishadi. 

Malumot uchun, finalning hal qiluvchi ikkinchi final uchrashuvi ertaga o'tkaziladi. CHempion 200 000 dollarni qo'lga kiritadi. Sindarov 100 000, Abdusattorov esa 50 000 AQSH dollari uchun kurashadi. Bugungi uchrashuvlar ham bizning vaqt bilan soat 17:00da boshlanadi.